NOLA BOZKATU

Aldi baterako atzerrian dauden pertsonek udaletan ikusgai dagoen ERROLDAn agertu behar dute. Egiaztatu ondoren, KONTSULATURA edo ENBAXADARA joan behar dute, MATRIKULA KONTSULARRAREN ERREGISTROAN EZ-EGOILIAR gisa alta emateko, beren nortasuna NANarekin edo pasaportearekin egiaztatuz.

ESKABIDE-ORRIA Kanpo Arazoetako eta Lankidetzako Ministerioaren webgunetik jaitsi daiteke, hauteskundeetako parte-hartzearen atalean.

• www.exteriores.gob.es

Dokumentazioa POSTA ZIURTATUAREN bidez jasotzen da adierazitako helbidean, eta ESKATZAILEAK BAKARRIK JASO DEZAKE, identifikatu ondoren.

Dokumentazioan, AZALPEN-ORRI batez gain, honako hauek ere jasotzen dira:

• Alderdi Guztien eta Koalizioen boto orriak.
• Bozkatzeko gutunazala.
• Hautesle-erroldako inskripzio-ziurtagiria.
• Dagokion hauteskunde-mahaiari zuzendutako gutun-azala.
• Posta bidezko botoa bidaltzearen gastuak itzultzeko inprimakia.

MAHAIAREN HELBIDEA daukan GUTUNAZALEAN ONDORENGOAK BIDALI BEHAR DIRA:

• BOTO ORRIA dagokion BOZKETA GUTUNAZALEAN.
• ERROLDAREN INSKRIPZIO EGIAZTAGIRIA.
• Posta bidezko botoa bidaltzeak dakartzan GASTUAK ITZULTZEA eskatzeko inprimakia.

Posta bidezko botoa baliagarria izan dadin, gutunazalean agertu behar da dagokion Herrialdeko posta bulegoaren inskripzio ofiziala, aurreikusitako epe barruan bidali dela egiaztatu ahal izateko.