NOLA BOZKATU

Gaixotasun edo ezintasun kasua ematen baldin bada, Posta Bidezko Botoa eskatzea MEDIKUAREN EGIAZTAGIRI OFIZIALAREN bidez egiaztatu behar da.

Egiaztagiri hau DOAKOA da eta MEDIKU batek izenpetu behar du. EZINTASUNAREN zioa azaldu behar du.

NOTARIOA ezinduta dagoen pertsonaren ETXERA joango da zuzenean bozkatu ezin duela egiaztatzeko.

Une horretan, notarioak NOTARIO-AHALORDEA izenpetuko du gure AHALDUNAREN izenean. Horren bidez POSTA BIDEZKO BOTOA ezinduta dagoen pertsonaren izenean eskatzeko gaitasuna ematen zaio.

Jatorrizko NOTARIO-AHALORDEA eta MEDIKUAREN EGIAZTAGIRIA , NOTARIOAREN ERREGISTROAN gordeko dira.

Notarioak MEDIKUAREN EGIAZTAGIRIAREN eta NOTARIO-AHALORDEAREN kopia egingo du gure AHALDUNARENTZAT.

Notarioari gutxienez 3 BAIMENDUTAKO KOPIA eskatu behar zaizkio Posta bidezko botoa tramitatzeko prozesuan arazorik egon ez dadin.

Eskaria gure AHALDUNAK egingo du. Posta bulegora joan beharko du eta bertan bere NAN agiria, PASAPORTEA edo GIDABAIMENArekin bere nortasuna egiaztatu beharko du. Bere nortasuna egiaztatuta, NOTARIOAREN AHALORDEA ETA MEDIKUAREN EGIAZTAGIRIA aurkeztu beharko ditu.

Eskabide orrian HAUTESLEAREN eta AHALDUNAREN datuak eman behar dira, eta ahaldunak agiriak jaso nahi dituen HELBIDEA adierazi beharko da.

Agiriak POSTA ZIURTATUZ jasoko dira Posta Bulegoan eskaria egitean esan den helbidean, eta ESKATZAILEAK BAINO EZIN DU JASO, bere burua identifikatu ondoren.

Agiri hauen artean, prozesuari buruzko AZALPEN ORRIaz gain, ondorengoak sartzen dira:

• ERROLDA EGIAZTAGIRIA
• ALDERDI GUZTIEN ETA KOALIZIOEN BOTO ORRIAK
• BOZKATZEKO GUTUNAZALA
• Eskatzaileak bozkatu beharko duen MAHAIAREN helbidea daraman GUTUNAZALA

MAHAIAREN HELBIDEA idatzita daukan GUTUNAZALEAN bidaltzen dira:

• BOTO ORRIA dagokion BOZKETA GUTUNAZALEAN.
• ERROLDA INSKRIPZIO EGIAZTAGIRIA.