NOLA BOZKATU

Hauteslea gaixorik badago edo ezintasunen bat badauka, Posta Bidezko Botoa eskatu behar da MEDIKUAREN EGIAZTAGIRI OFIZIALA aurkeztuz.

Egiaztagiri hau DOAKOA da eta MEDIKU batek izenpetu behar du. EZINTASUNAREN zioa azaldu behar du.

NOTARIOA ezinduta dagoen pertsonaren ETXERA joango da zuzenean bozkatu ezin duela egiaztatzeko.

Notarioak NOTARIO-AHALORDEA izenpetuko du gure AHALDUNAREN izenean. Horren bidez POSTA BIDEZKO BOTOA ezinduta dagoen pertsonaren izenean eskatzeko gaitasuna aitortzen zaio.

Jatorrizko NOTARIO-AHALORDEA eta MEDIKUAREN EGIAZTAGIRIA , NOTARIOAREN ERREGISTROAN gordeko dira.

Notarioak MEDIKUAREN EGIAZTAGIRIAREN eta NOTARIO-AHALORDEAREN kopia egingo du gure AHALDUNARENTZAT.

Notarioari gutxienez 3 BAIMENDUTAKO KOPIA eskatu behar zaizkio Posta bidezko botoa tramitatzeko prozesuan arazorik egon ez dadin.

Eskaria gure AHALDUNAK egingo du. Posta bulegora joan beharko du eta bertan bere NAN agiria, PASAPORTEA edo GIDABAIMENArekin bere nortasuna egiaztatu beharko du. Bere nortasuna egiaztatuta, NOTARIOAREN AHALORDEA ETA MEDIKUAREN EGIAZTAGIRIA aurkeztu beharko ditu.

Eskabide orrian HAUTESLEAREN eta AHALDUNAREN datuak eman behar dira, eta ahaldunak agiriak jaso nahi dituen HELBIDEA adierazi beharko da.

Agiriak POSTA ZIURTATUZ jasoko dira Posta Bulegoan eskaria egitean esan den helbidean, eta ESKATZAILEAK BAINO EZIN DITU HARTU, bere nortasuna egiaztatuz.

Agiri hauen artean, prozesuari buruzko AZALPEN ORRIaz gain, ondorengoak sartzen dira:

• ERROLDA EGIAZTAGIRIA
• ALDERDI ETA KOALIZIO GUZTIEN BOTO ORRIAK.
• BOZKATZEKO GUTUNAZALA
• HAUTESKUNDE MAHAIAREN helbidea idatzita duen GUTUNAZALA

HAUTESKUNDE MAHAIAren HELBIDEA idatzita duen GUTUNAZALEAN bidali behar dira:

• BOTOA GUTUNAZALEAN SARTUTA
• ERROLDA-EGIAZTAGIRIA